Дэлхий нийтээр..
Улаанхотын "Домгийн хүлэг” булангийн эко жуулчлалын бүс
“Ирээдүйн төлөө хамтдаа – Хөдөөг сэргээн хөгжүүлэх үйлсэд анхаарлаа хандуулъя” сэдэв дор 8 сарын 26-нд нээлтээ хийсэн Хятад Монголын сэтгүүлчдийн хамтарсан сурвалжилга - 2022 үйл ажиллагаа ӨМӨЗО-ны Хянган аймгийн Улаан хотын Улаанхад суурингийн Гаогэн-Инз гацаанд үргэлжилж байна.
Улаан хотын Улаанхад суурингийн Гаогэн-Инз гацааны Шэньжюнь буюу Домгийн хүлэг булангийн эко жуулчлалын бүс өмнө нь хаягдсан уурхайн элсэн цооног төдийхөн газар байжээ. Энд бүх насныханд зориулсан усан тоглоомын талбай, гэрэлт жим, үлэг гүрвэлийн парк, торон гүүр, аяллын хөлөг онгоцны зогсоол зэрэг амралт чөлөөт цагаа сайхан өнгөрүүлэх боломжийг цогцоор нь бүрдүүлсэн байна. Энэ газарт өдөртөө дээд тал нь 7000 гаруй жуулчин ирдэг аж.
Гаогэн-Инз гацааны Домгийн хүлэг булангийн эко жуулчлалын бүсэд хийсэн бүх дорвитой өөрчлөлт экологийн орчныг нөхөн сэргээх төсөлтэй салшгүй холбоотой юм. 2019 онд ӨМӨЗО-ны Тамхины монополь товчоо (компаний) тусламжтайгаар Улаан хотын Захиргаа, Намын хороо дотоод дахь нөөц бололцоогоо түшиглэн, бүс нутгийн хэмжээнд ерөнхий төлөвлөлтийг хийж цэгцэлснээр Туур голын усны экологийн менежментийн төслийг хэрэгжүүлж, иж бүрэн цэвэрлэгээ, нөхөн сэргээлтийг явуулж чадсан юм.
Төслийн эхний шатанд 8 сая юань, хоёрдахь шатанд 18 сая юанийн хөрөнгө оруулалт хийж, Гаогэн-Инз гацааны зүүн талын 20 гаруй га орхигдсон уурхайн нүх ба түүний хүрээлэн буй орчны экологийг сэргээснээр хадны наран шарлагын газар, элсэрхэг наран шарлагын газар, аялал жуулчлалын үйлчилгээний төв, экологийн зогсоол, үзвэрийн тавцан, загас агнуурын хөлөг онгоцны зогсоол, усан оргилуур, жимс хүнсний ногоо хураах цэцэрлэг, байгалийн үзэсгэлэнт газруудын хаалга болон бусад туслах дэд бүтцийг байгуулжээ.
Үүний зэрэгцээ, Улаанхотын тээврийн товчоо 5 сая юанийн хөрөнгө оруулалтаар 3.3 км аялал жуулчлалын зам тавьж, тосгоны 6000 орчим хавтгай дөрвөлжин метр талбай бүхий соёлын талбайг шинэчлэн засварласан байна.
Экологийн нөхөн сэргээлтэд суурилсан хөдөө тосгоны аялал жуулчлал нь Гаогэн-Инз гацаанд хөгжлийн шинэ жимийг авчирч, орчин үеийн хөдөө аж ахуй, орчин үеийн аялал жуулчлалыг хослуулсан бизнесийн шинэ хэлбэрийг аажмаар бүрдүүлж, хөдөө тосгоны эдийн засгийн хөгжлийн хөдөлгөгч хүч болжээ. Ирээдүйд энэ нутаг эрчтэй хөгжих нь эргэлзээгүй.
Найруулагч：С.Бүрэнбаяр
Дэлхий нийтээр..
НҮБ дайн үргэлжилбэл дэлхийд өлсгөлөн нэмэгдэх эрсдэлтэйг анхааруулав
НҮБ-ын Дэлхийн хүнсний хөтөлбөр (WFP)-өөс 2026 оны дөрөвдүгээр сарын 16-ны өдөр гаргасан мэдэгдэлд дурдсанаар, Ойрхи Дорнодын бүс нутагт үүсээд буй хурцадмал байдал, ялангуяа Ирантай холбоотой зөрчил үргэлжилбэл дэлхийн хэмжээнд нэмэлт 45 сая хүн хурц өлсгөлөнд нэрвэгдэх эрсдэлтэй байгааг анхааруулжээ.
Энэ талаар НҮБ-ын Дэлхийн хүнсний хөтөлбөрийн Гүйцэтгэх захирал Синди Маккейн анхааруулахдаа, геополитикийн хурцадмал байдал нь дэлхийн хүнсний аюулгүй байдалд ноцтой дарамт учруулж байгааг онцолсон байна.
Тус байгууллагын мэдээлснээр, дайн, зөрчил нь зөвхөн тухайн бүс нутагт төдийгүй дэлхийн хүнсний хангамж, тээвэр логистик, эрчим хүчний зах зээлд шууд болон дам нөлөө үзүүлж байгаа аж. Үүний улмаас хүнсний бүтээгдэхүүний үнэ өсөх, нийлүүлэлт тасалдах, эмзэг эдийн засагтай орнуудын худалдан авах чадвар буурах зэрэг сөрөг үр дагавар нэмэгдэх төлөвтэй байна.
Одоогийн байдлаар дэлхий даяар хэдийнэ олон сая хүн хүнсний хомсдолд өртөөд байгаа бөгөөд дээрх нөхцөл байдал үргэлжилбэл энэ тоо цаашид огцом нэмэгдэх эрсдэлтэйг НҮБ онцолсон байна. Иймд олон улсын хамтын нийгэмлэгийг зөрчлийг намжаах, хүмүүнлэгийн тусламжийг нэмэгдүүлэх, хүнсний хангамжийг тогтвортой байлгахад анхаарахыг уриалжээ.
Шинжээчдийн үзэж буйгаар, геополитикийн тогтворгүй байдал нь дэлхийн эдийн засаг, ялангуяа хүнсний аюулгүй байдалд мэдэгдэхүйц нөлөө үзүүлж байгаа бөгөөд ойрын хугацаанд энэ чиг хандлага үргэлжлэх төлөвтэй байна.
Дэлхий нийтээр..
Хиймэл оюунд суурилсан технологийн хөгжил хурдасч, дэлхийн өрсөлдөөн шинэ шатанд хүрэв
Сүүлийн жилүүдэд хиймэл оюунд суурилсан технологийн хөгжил эрчимжиж, дэлхийн томоохон компаниудын өрсөлдөөн шинэ шатанд хүрлээ. Үйлдвэрлэл, тээвэр, мэдээллийн технологийн салбарт автоматжуулалт, ухаалаг системийн хэрэглээ эрс нэмэгдэж, хүний оролцоог багасгах чиг хандлага давамгайлж байна.
Хиймэл оюуны шинэ үеийн загварууд илүү нарийвчлалтай, хурдтай ажиллах чадвартай болж, их хэмжээний өгөгдлийг богино хугацаанд боловсруулах боломжийг өргөжүүлэв. Энэ нь бизнесийн шийдвэр гаргалтад шууд нөлөөлөх хэмжээнд хүрчээ. Жолоочгүй тээврийн хэрэгсэл, роботжуулсан үйлдвэрлэл бодит хэрэглээнд улам ойртож, туршилтаас хэрэглээ рүү шилжих үе шат идэвхжив.
Нөгөө талаас дата төвүүдийн хүчин чадал нэмэгдэхийн хэрээр эрчим хүчний хэрэглээ өсөж, байгаль орчинд үзүүлэх нөлөөллийн асуудал олон улсын анхаарлын төвд орж байна.
Мөн технологийн энэ хурдац хөдөлмөрийн зах зээлд өөрчлөлт авчирч, зарим ажлын байр буурч, шинэ ур чадварын эрэлт нэмэгдэх нөхцөл бүрдэв.
Иймээс улс орнууд технологийн бодлогоо шинэчилж, инновац, хүний нөөцийн бэлтгэлийг чухалчлах шаардлага улам тодорч байна.
Дэлхий нийтээр..
“Al Jazeera”-гийн сэтгүүлч амь үрэгдсэнд эмгэнэл илэрхийллээ
Газын зурваст ажиллаж байсан Al Jazeera телевизийн сэтгүүлч Вишах Израилын цохилтын үеэр амь үрэгдсэн талаар олон улсын хэвлэлүүд мэдээлж байна. Мэдээллээр, сэтгүүлч Вишах Газын зурваст болж буй үйл явдлыг сурвалжилж байх үед цохилтод өртсөн бөгөөд хамт ажиллаж байсан хэвлэл мэдээллийн ажилтнууд түүнийг эмгэнэн хүндэтгэл үзүүлжээ.
Газын сэтгүүлчид болон хэвлэл мэдээллийн байгууллагууд:
- Сэтгүүлчдийн аюулгүй байдлыг хангахыг
- Сурвалжлагчдыг онилохгүй байхыг
- Олон улсын байгууллагууд анхаарал хандуулахыг уриалсан байна.
Al Jazeera телевизийн зүгээс сэтгүүлчийн амь үрэгдсэнд эмгэнэл илэрхийлж, мөргөлдөөний бүсэд ажиллаж буй сэтгүүлчдийн аюулгүй байдлын асуудал улам ноцтой болж байгааг онцолжээ.
Сүүлийн саруудад Газын зурваст хэд хэдэн сэтгүүлч амь үрэгдсэн талаар олон улсын байгууллагууд анхааруулж байгаа бөгөөд хэвлэл мэдээллийн ажилтнууд мөргөлдөөний бүсэд хамгийн өндөр эрсдэлтэй нөхцөлд ажиллаж буйг тэмдэглэж байна.
Ойрхи Дорнодын нөхцөл байдал хурц хэвээр байгаа бөгөөд Газын зурваст агаарын цохилт, хуурай замын ажиллагаа үргэлжилсээр байна.
-
Үйл явдал2021/01/03
Эрүүл мэндийн яамнаас цаг үеийн асуудлаар мэдээлж байна
-
Тод зураг2019/12/27
Улаанбаатарт өдөртөө 15 хэм хүйтэн
-
Дэлхий нийтээр..2025/09/17
АТГ: Авлигын эсрэг сургалтад 449 албан тушаалтныг хамруулав
-
Хэн юу хэлэв...2022/10/06
Д.Цогтбаатар: Хувь хүнд татварын мэргэшсэн зөвлөх үйлчилгээ эрхлэх боломжийг нээ...