Дэлхий нийтээр..
Вэб сайт, фэйсбүүк хуудас хөгжүүлэлт, хамгаалалт ба эрх зүйн орчин сэдэвт сургалт болно
Вэб сайт, фэйсбүүк хуудас хөгжүүлэлт, хамгаалалт ба эрх зүйн орчин сэдэвт сургалт болно хамгаалалт ба эрх зүйн орчин сэдэвт сургалт болно. Уг сургалтыг Монголын сайтын холбооноос , Харилцаа холбооны зохицуулах хороо, Оюуны өмчийн газартай хамтран зохион байгуулах юм.
Сургалт Пума зочид буудлын 2 давхарт 2022 оны 2 дугаар сарын 18-ны өдөр 13 цагаас эхлэх бөгөөд ямар нэг үнэ төлбөргүй, холбооны гишүүнчлэл харгалзахгүй, нээлттэйгээр зохион байгуулж байгаагаараа онцлог юм. Пэйж хуудас, вэб сайт эрхлэгчид, сэтгүүлч админуудыг өргөнөөр хамрагдахыг урьж байна.
Холбоо барьж бүртгүүлэх утас: 88113780.
Сургалтын хөтөлбөрийг таницуулбал,
|
ВЭБ САЙТ, ФЭЙСБҮҮК ХУУДАС ХӨГЖҮҮЛЭЛТ, ХАМГААЛАЛТ БА ЭРХ ЗҮЙН ОРЧИН СУРГАЛТ 2022 оны 2 дугаар 18 ПУМА ЗОЧИД БУУДЛЫН 2 ДАВХАР |
|
|
12:40 - 13:00 |
Бүртгэл Пума зочид буудлын 2 давхарт |
|
13:00-13:05 |
Нээлт /Монголын сайтын холбооны Ерөнхийлөгч Э.Батхүү/ |
|
13:05-13:50 |
Интернетэд суурилсан үйлчилгээний зохицуулалт ба вэб сайтуудтай холбоотой зарим асуудлууд /Харилцаа холбооны зохицуулах хорооны Зохицуулалтын бодлогыг хэрэгжүүлэх газрын мэргэжилтэн Д.Гантулга/ |
|
13:50-14:00 |
Асуулт хариулт |
|
14:00-14:30 |
FB цэнхэр тэмдэглэгээ, вэб сайт, фэйсбүүк хуудас хөгжүүлэлт, хамгаалалт /Харилцаа холбооны зохицуулах хорооны Зохицуулалтын бодлогыг хэрэгжүүлэх газрын мэргэжилтэн Г.Баттулга/ |
|
14:30-14:40 |
Асуулт хариулт |
|
14:40-15:20 |
Цахим орчин дахь хүүхэд хамгаалал /Харилцаа холбооны зохицуулах хорооны мэргэжилтэн Г.Энхмаа/ |
|
15:20-15:30 |
Асуулт хариулт |
|
15:30-15:50 |
Цайны завсарлага |
|
15:50-16:30 |
Зохиогчийн эрхийн тухай хуулийн зохицуулалт /Оюуны өмчийн газрын Зохиогчийн эрхийн хэлтсийн мэргэжилтэн М.Ариунболд/ |
|
16:30-16:40 |
Асуулт хариулт |
|
16:40-17:20 |
Оюуны өмчийн хэрэглээ ба ашиглалт /Оюуны өмчийн газрын Зохиогчийн эрхийн хэлтсийн дарга С.Ганзориг/ |
|
17:20-17:30 |
Асуулт хариулт |
|
17:30-18:00 |
Оюуны өмчийн зөрчил анхаарах асуудал /Оюуны өмчийн газрын хяналтын хэлтсийн Улсын ахлах байцаагч Г.Бат-Оргил/ |
|
18:00-18:10 |
Асуулт хариулт |
|
18:10-18:40 |
DDoc халдлагын үед сайтын хэвийн үйл ажиллагааг хангах нь /Айтүүлс ХК/ |
|
18:40-19:00 |
Асуулт хариулт |
|
19:00: 19:10 |
Дурсгалын зураг авахуулах |
Эх сурвалж: Монголын сайтын холбоо
Дэлхий нийтээр..
НҮБ дайн үргэлжилбэл дэлхийд өлсгөлөн нэмэгдэх эрсдэлтэйг анхааруулав
НҮБ-ын Дэлхийн хүнсний хөтөлбөр (WFP)-өөс 2026 оны дөрөвдүгээр сарын 16-ны өдөр гаргасан мэдэгдэлд дурдсанаар, Ойрхи Дорнодын бүс нутагт үүсээд буй хурцадмал байдал, ялангуяа Ирантай холбоотой зөрчил үргэлжилбэл дэлхийн хэмжээнд нэмэлт 45 сая хүн хурц өлсгөлөнд нэрвэгдэх эрсдэлтэй байгааг анхааруулжээ.
Энэ талаар НҮБ-ын Дэлхийн хүнсний хөтөлбөрийн Гүйцэтгэх захирал Синди Маккейн анхааруулахдаа, геополитикийн хурцадмал байдал нь дэлхийн хүнсний аюулгүй байдалд ноцтой дарамт учруулж байгааг онцолсон байна.
Тус байгууллагын мэдээлснээр, дайн, зөрчил нь зөвхөн тухайн бүс нутагт төдийгүй дэлхийн хүнсний хангамж, тээвэр логистик, эрчим хүчний зах зээлд шууд болон дам нөлөө үзүүлж байгаа аж. Үүний улмаас хүнсний бүтээгдэхүүний үнэ өсөх, нийлүүлэлт тасалдах, эмзэг эдийн засагтай орнуудын худалдан авах чадвар буурах зэрэг сөрөг үр дагавар нэмэгдэх төлөвтэй байна.
Одоогийн байдлаар дэлхий даяар хэдийнэ олон сая хүн хүнсний хомсдолд өртөөд байгаа бөгөөд дээрх нөхцөл байдал үргэлжилбэл энэ тоо цаашид огцом нэмэгдэх эрсдэлтэйг НҮБ онцолсон байна. Иймд олон улсын хамтын нийгэмлэгийг зөрчлийг намжаах, хүмүүнлэгийн тусламжийг нэмэгдүүлэх, хүнсний хангамжийг тогтвортой байлгахад анхаарахыг уриалжээ.
Шинжээчдийн үзэж буйгаар, геополитикийн тогтворгүй байдал нь дэлхийн эдийн засаг, ялангуяа хүнсний аюулгүй байдалд мэдэгдэхүйц нөлөө үзүүлж байгаа бөгөөд ойрын хугацаанд энэ чиг хандлага үргэлжлэх төлөвтэй байна.
Дэлхий нийтээр..
Хиймэл оюунд суурилсан технологийн хөгжил хурдасч, дэлхийн өрсөлдөөн шинэ шатанд хүрэв
Сүүлийн жилүүдэд хиймэл оюунд суурилсан технологийн хөгжил эрчимжиж, дэлхийн томоохон компаниудын өрсөлдөөн шинэ шатанд хүрлээ. Үйлдвэрлэл, тээвэр, мэдээллийн технологийн салбарт автоматжуулалт, ухаалаг системийн хэрэглээ эрс нэмэгдэж, хүний оролцоог багасгах чиг хандлага давамгайлж байна.
Хиймэл оюуны шинэ үеийн загварууд илүү нарийвчлалтай, хурдтай ажиллах чадвартай болж, их хэмжээний өгөгдлийг богино хугацаанд боловсруулах боломжийг өргөжүүлэв. Энэ нь бизнесийн шийдвэр гаргалтад шууд нөлөөлөх хэмжээнд хүрчээ. Жолоочгүй тээврийн хэрэгсэл, роботжуулсан үйлдвэрлэл бодит хэрэглээнд улам ойртож, туршилтаас хэрэглээ рүү шилжих үе шат идэвхжив.
Нөгөө талаас дата төвүүдийн хүчин чадал нэмэгдэхийн хэрээр эрчим хүчний хэрэглээ өсөж, байгаль орчинд үзүүлэх нөлөөллийн асуудал олон улсын анхаарлын төвд орж байна.
Мөн технологийн энэ хурдац хөдөлмөрийн зах зээлд өөрчлөлт авчирч, зарим ажлын байр буурч, шинэ ур чадварын эрэлт нэмэгдэх нөхцөл бүрдэв.
Иймээс улс орнууд технологийн бодлогоо шинэчилж, инновац, хүний нөөцийн бэлтгэлийг чухалчлах шаардлага улам тодорч байна.
Дэлхий нийтээр..
“Al Jazeera”-гийн сэтгүүлч амь үрэгдсэнд эмгэнэл илэрхийллээ
Газын зурваст ажиллаж байсан Al Jazeera телевизийн сэтгүүлч Вишах Израилын цохилтын үеэр амь үрэгдсэн талаар олон улсын хэвлэлүүд мэдээлж байна. Мэдээллээр, сэтгүүлч Вишах Газын зурваст болж буй үйл явдлыг сурвалжилж байх үед цохилтод өртсөн бөгөөд хамт ажиллаж байсан хэвлэл мэдээллийн ажилтнууд түүнийг эмгэнэн хүндэтгэл үзүүлжээ.
Газын сэтгүүлчид болон хэвлэл мэдээллийн байгууллагууд:
- Сэтгүүлчдийн аюулгүй байдлыг хангахыг
- Сурвалжлагчдыг онилохгүй байхыг
- Олон улсын байгууллагууд анхаарал хандуулахыг уриалсан байна.
Al Jazeera телевизийн зүгээс сэтгүүлчийн амь үрэгдсэнд эмгэнэл илэрхийлж, мөргөлдөөний бүсэд ажиллаж буй сэтгүүлчдийн аюулгүй байдлын асуудал улам ноцтой болж байгааг онцолжээ.
Сүүлийн саруудад Газын зурваст хэд хэдэн сэтгүүлч амь үрэгдсэн талаар олон улсын байгууллагууд анхааруулж байгаа бөгөөд хэвлэл мэдээллийн ажилтнууд мөргөлдөөний бүсэд хамгийн өндөр эрсдэлтэй нөхцөлд ажиллаж буйг тэмдэглэж байна.
Ойрхи Дорнодын нөхцөл байдал хурц хэвээр байгаа бөгөөд Газын зурваст агаарын цохилт, хуурай замын ажиллагаа үргэлжилсээр байна.
-
Дэлхий нийтээр..2021/07/23
Ерөнхий боловсролын сургуулийн сурах бичгийг “Цахим дэлгүүр”-т байрш...
-
Дэлхий нийтээр..2022/04/23
“Хүүхдийн хөгжил, төлөвшил” үндэсний эрдэм шинжилгээний бага хурөл з...
-
Тод зураг2020/04/07
Улаанбаатарт өдөртөө 10 хэм дулаан
-
Дэлхий нийтээр..2024/10/02
Хууль сахиулах салбарын “Эмэгтэйчүүдийн манлайллын хөтөлбөр” нээлтээ...