Дэлхий нийтээр..
Нийслэл 2022 онд өмч хувьчлалаас 45 тэрбум төгрөгийг төвлөрүүлэхээр тусгажээ
Нийслэлийн иргэдийн Төлөөлөгчдийн Хурлын ээлжит XI хуралдаан үргэлжилж байна. Хуралдааны эхэнд Нийслэлийн 2022 оны хөгжлийн төлөвлөгөөний төслийг хэлэлцсэн юм. Үргэлжлүүлээд Нийслэлийн өмчөөс 2022 онд хувьчлах эд хөрөнгийн жагсаалт батлах тухай, Нийслэлийн 2021 оны газар зохион байгуулалтын төлөвлөгөөний биелэлт, 2022 оны газар зохион байгуулалтын төлөвлөгөөний төслийн тухай хэлэлцсэн юм.
Нийслэлийн өмчөөс 2022 онд хувьчлах эд хөрөнгийн жагсаалтыг нийслэлийн Хөгжлийн бодлогын асуудал хариуцсан нэгдүгээр орлогч Ж.Сандагсүрэн танилцууллаа. 2015-2020 онд Нийслэлийн иргэдийн Төлөөлөгчдийн Хурлын тогтоолуудаар батлагдсан хувьчлагдах эд хөрөнгийн жагсаалтаас өнөөдрийн байдлаар хувьчлагдаагүй үлдсэн нийт 26 барилга байгууламж байна.
Эдгээр объектоос 2022 онд Нийслэлийн Өмч хувьчлах комиссын шийдвэрээр хувьчлах ажлыг зохион байгуулах тул хувьчлалын орлогыг бүрдүүлэх боломжтой. Мөн нийслэлийн өмчөөс 2022 онд шинээр 4 барилга байгууламжийг хувьчилж, өмч хувьчлалаас нийслэлийн төсөвт нийт 45 тэрбум төгрөгийг төвлөрүүлэхээр тооцсоныг нэгдүгээр орлогч Ж.Сандагсүрэн онцоллоо.
2022 онд хувьчлах эд хөрөнгийн жагсаалтад Сонгинохайрхан дүүргийн 25 дугаар хороонд байрлах Ахуй үйлчилгээний төвийн барилга, 32 дугаар хороонд байрлах Эмээлтийн мал эмнэлгийн лабораторын барилга, 17 дугаар хороонд байрлах “Монгол шуудан” ХК-ийн 21 дүгээр салбарын түрээсээр эзэмшиж буй байр болон Сүхбаатар дүүргийн 6 дугаар хороонд байрлах “Монгол шуудан” ХК-ийн 46 дугаар салбарын түрээсээр эзэмшиж буй байр багтсан байна.
Тухайлбал, Нийслэлийн мал эмнэлгийн газрын хөрөнгөд бүртгэлтэй, Сонгинохайрхан дүүргийн 32 дугаар хорооны нутаг дэвсгэрт байрлах, Эмээлт түүхий эдийн захын лабораторыг мал, амьтны гаралтай хүнсний бүтээгдэхүүн, түүхий эдэд мал эмнэлэг, ариун цэврийн шинжилгээ хийж, баталгаажуулалт олгох зорилгоор байгуулж байсан. Барилгыг 2005 онд 14.5 сая төгрөгөөр барьсан. Гэвч эрчим хүчний асуудлыг шийдээгүйн улмаас зориулалтын дагуу ашиглах боломжгүй болсон. Тиймээс хувьчлах обьектын жагсаалтад оруулжээ.
Хэлэлцүүлгийн үеэр Нийслэлийн ИТХ-ын дарга Ж.Батбаясгалан өнгөрсөн хугацааны өмч, хувьчлалын жагсаалт, жил бүрийн баталсан тогтоолын хэрэгжилтийн талаар 2022 оны эхний улиралд багтаан танилцуулахыг нийслэлийн Засаг дарга бөгөөд Улаанбаатар хотын захирагч Д.Сумъябазарт тэмдэглэлээр үүрэг болгосон юм.
2022 оны газар зохион байгуулалтын төлөвлөгөөнд 859 төсөл, арга хэмжээг зохион байгуулахаар төлөвлөжээ
Үргэлжлүүлэн Нийслэлийн Хот байгуулалтын асуудал хариуцсан төслүүдийн удирдагч Б.Сүхбаатар 2021 оны газар зохион байгуулалтын төлөвлөгөөний биелэлт, 2022 оны газар зохион байгуулалтын төлөвлөгөөний төслийг танилцууллаа. 2021 оны төлөвлөгөөнд нийт 5 бүлгийн 21 дэд бүлэгт хамаарах 946 төсөл, арга хэмжээг хэрэгжүүлэхээр баталсан.
Өнөөдрийн байдлаар төлөвлөгөөний биелэлт 91 хувьтай байна. Харин нийслэлийн 2022 оны газар зохион байгуулалтын төлөвлөгөөнд өмчлүүлэх газрын байршил, зориулалт, хэмжээг тогтоох, газрын эрхийн дуудлага худалдаагаар эзэмшүүлэх, ашиглуулах, нийтийн эдэлбэр газрын байршил, хэмжээг тогтоох, орчны тохижилт, ногоон байгууламж, явган хүний замыг нэмэгдүүлэх, ашиглалтын шаардлага хангахгүй орон сууц, барилга байгууламжийг буулган шинэчлэн барилгажуулах зэрэг 5 бүлэг, 22 дэд бүлгийн 859 төсөл, арга хэмжээг зохион байгуулахаар төсөлд тусгаад байна.
Нийслэлийн ИТХ-ын ээлжит XI хуралдаан үргэлжлүүлэн Нийслэлийн 2022 оны төсвийн төслийг хэлэлцэнэ.
Нийслэлийн ИТХ-ын ХМОНХТ
Дэлхий нийтээр..
НҮБ дайн үргэлжилбэл дэлхийд өлсгөлөн нэмэгдэх эрсдэлтэйг анхааруулав
НҮБ-ын Дэлхийн хүнсний хөтөлбөр (WFP)-өөс 2026 оны дөрөвдүгээр сарын 16-ны өдөр гаргасан мэдэгдэлд дурдсанаар, Ойрхи Дорнодын бүс нутагт үүсээд буй хурцадмал байдал, ялангуяа Ирантай холбоотой зөрчил үргэлжилбэл дэлхийн хэмжээнд нэмэлт 45 сая хүн хурц өлсгөлөнд нэрвэгдэх эрсдэлтэй байгааг анхааруулжээ.
Энэ талаар НҮБ-ын Дэлхийн хүнсний хөтөлбөрийн Гүйцэтгэх захирал Синди Маккейн анхааруулахдаа, геополитикийн хурцадмал байдал нь дэлхийн хүнсний аюулгүй байдалд ноцтой дарамт учруулж байгааг онцолсон байна.
Тус байгууллагын мэдээлснээр, дайн, зөрчил нь зөвхөн тухайн бүс нутагт төдийгүй дэлхийн хүнсний хангамж, тээвэр логистик, эрчим хүчний зах зээлд шууд болон дам нөлөө үзүүлж байгаа аж. Үүний улмаас хүнсний бүтээгдэхүүний үнэ өсөх, нийлүүлэлт тасалдах, эмзэг эдийн засагтай орнуудын худалдан авах чадвар буурах зэрэг сөрөг үр дагавар нэмэгдэх төлөвтэй байна.
Одоогийн байдлаар дэлхий даяар хэдийнэ олон сая хүн хүнсний хомсдолд өртөөд байгаа бөгөөд дээрх нөхцөл байдал үргэлжилбэл энэ тоо цаашид огцом нэмэгдэх эрсдэлтэйг НҮБ онцолсон байна. Иймд олон улсын хамтын нийгэмлэгийг зөрчлийг намжаах, хүмүүнлэгийн тусламжийг нэмэгдүүлэх, хүнсний хангамжийг тогтвортой байлгахад анхаарахыг уриалжээ.
Шинжээчдийн үзэж буйгаар, геополитикийн тогтворгүй байдал нь дэлхийн эдийн засаг, ялангуяа хүнсний аюулгүй байдалд мэдэгдэхүйц нөлөө үзүүлж байгаа бөгөөд ойрын хугацаанд энэ чиг хандлага үргэлжлэх төлөвтэй байна.
Дэлхий нийтээр..
Хиймэл оюунд суурилсан технологийн хөгжил хурдасч, дэлхийн өрсөлдөөн шинэ шатанд хүрэв
Сүүлийн жилүүдэд хиймэл оюунд суурилсан технологийн хөгжил эрчимжиж, дэлхийн томоохон компаниудын өрсөлдөөн шинэ шатанд хүрлээ. Үйлдвэрлэл, тээвэр, мэдээллийн технологийн салбарт автоматжуулалт, ухаалаг системийн хэрэглээ эрс нэмэгдэж, хүний оролцоог багасгах чиг хандлага давамгайлж байна.
Хиймэл оюуны шинэ үеийн загварууд илүү нарийвчлалтай, хурдтай ажиллах чадвартай болж, их хэмжээний өгөгдлийг богино хугацаанд боловсруулах боломжийг өргөжүүлэв. Энэ нь бизнесийн шийдвэр гаргалтад шууд нөлөөлөх хэмжээнд хүрчээ. Жолоочгүй тээврийн хэрэгсэл, роботжуулсан үйлдвэрлэл бодит хэрэглээнд улам ойртож, туршилтаас хэрэглээ рүү шилжих үе шат идэвхжив.
Нөгөө талаас дата төвүүдийн хүчин чадал нэмэгдэхийн хэрээр эрчим хүчний хэрэглээ өсөж, байгаль орчинд үзүүлэх нөлөөллийн асуудал олон улсын анхаарлын төвд орж байна.
Мөн технологийн энэ хурдац хөдөлмөрийн зах зээлд өөрчлөлт авчирч, зарим ажлын байр буурч, шинэ ур чадварын эрэлт нэмэгдэх нөхцөл бүрдэв.
Иймээс улс орнууд технологийн бодлогоо шинэчилж, инновац, хүний нөөцийн бэлтгэлийг чухалчлах шаардлага улам тодорч байна.
Дэлхий нийтээр..
“Al Jazeera”-гийн сэтгүүлч амь үрэгдсэнд эмгэнэл илэрхийллээ
Газын зурваст ажиллаж байсан Al Jazeera телевизийн сэтгүүлч Вишах Израилын цохилтын үеэр амь үрэгдсэн талаар олон улсын хэвлэлүүд мэдээлж байна. Мэдээллээр, сэтгүүлч Вишах Газын зурваст болж буй үйл явдлыг сурвалжилж байх үед цохилтод өртсөн бөгөөд хамт ажиллаж байсан хэвлэл мэдээллийн ажилтнууд түүнийг эмгэнэн хүндэтгэл үзүүлжээ.
Газын сэтгүүлчид болон хэвлэл мэдээллийн байгууллагууд:
- Сэтгүүлчдийн аюулгүй байдлыг хангахыг
- Сурвалжлагчдыг онилохгүй байхыг
- Олон улсын байгууллагууд анхаарал хандуулахыг уриалсан байна.
Al Jazeera телевизийн зүгээс сэтгүүлчийн амь үрэгдсэнд эмгэнэл илэрхийлж, мөргөлдөөний бүсэд ажиллаж буй сэтгүүлчдийн аюулгүй байдлын асуудал улам ноцтой болж байгааг онцолжээ.
Сүүлийн саруудад Газын зурваст хэд хэдэн сэтгүүлч амь үрэгдсэн талаар олон улсын байгууллагууд анхааруулж байгаа бөгөөд хэвлэл мэдээллийн ажилтнууд мөргөлдөөний бүсэд хамгийн өндөр эрсдэлтэй нөхцөлд ажиллаж буйг тэмдэглэж байна.
Ойрхи Дорнодын нөхцөл байдал хурц хэвээр байгаа бөгөөд Газын зурваст агаарын цохилт, хуурай замын ажиллагаа үргэлжилсээр байна.
-
Дэлхий нийтээр..2022/11/30
Ерөнхийлөгч У.Хүрэлсүх Япон Улсын Ерөнхий сайд Ф.Кишида-тай албан ёсны хэлэлцээ ...
-
Дэлхий нийтээр..2023/05/10
Мал аж ахуйн хууль хоорондын давхардал, хийдэл, зөрчлийг арилгах хуулийн төслүүд...
-
Дэлхий нийтээр..2023/11/28
УИХ: Нотлох баримтыг шинжлэн судлах сонсголыг ирэх сард хоёр үе шаттайгаар явуул...
-
Дэлхий нийтээр..2021/04/07
Цэргийн анги дахь хүний эрхийн зөрчлийг арилгах асуудлаар ЗХЖШ-аас ХЭҮК-т тайлба...