Дэлхий нийтээр..
“Улаанбадрах цахилгаан станц” 900 мянган айл өрхийн хэрэглээтэй дүйцэх эрчим хүч үйлдвэрлэнэ
Дорноговь аймгийн Улаанбадрах сумын нутагт орших “Баруун далай” эрчим хүчний хүрэн нүүрсний ордыг эдийн засгийн эргэлтэд оруулах зорилгоор ТЭЗҮ-ийг боловсруулж дуусжээ.
Тус ТЭЗҮ-д тусгаснаар шинээр байгуулагдах цахилгаан станц нь төвийн бүсийн эрчим хүчний системтэй Сайншандын 220/110/35 кВ-ын дэд станцтай 125 км урт, 220 кВ-ын хос хэлхээ цахилгаан дамжуулах агаарын шугамаар холбогдох юм. Түүнчлэн 300 МВт суурилагдсан хүчин чадалтай байх бөгөөд энэ нь улсын хэмжээнд ойролцоогоор 900 мянган айл өрхийн хэрэглээтэй дүйцэхүйц эрчим хүчийг үйлдвэрлэх боломжийг бүрдүүлж байна.
Төсөл хэрэгжсэнээр орон нутгийн хөгжил, эдийн засаг, нийгмийн салбарт бодит үр өгөөж авчирна. Тухайлбал, орон нутгийн иргэдийг ажлын байраар хангах хүрээнд мэргэжил, ур чадварын сургалтад системтэйгээр хамруулж, хүний нөөцийн чадавхыг нэмэгдүүлэхээр төлөвлөжээ. Үүнээс гадна хөдөө, орон нутгийн айл өрхүүд нүүрс, цахилгааны хөнгөлөлт эдлэх боломж бүрдэхийн зэрэгцээ ус, газрын төлбөр зэрэг татварын орлого нэмэгдэж, сумын төсөвт тогтвортой санхүүгийн эх үүсвэр төвлөрүүлэх нөхцөл бүрдэх ажээ.
Эдийн засгийн хувьд төслийн нөлөө зөвхөн эрчим хүч үйлдвэрлэлээр хязгаарлагдахгүй бөгөөд орон нутгийн өрхийн үйлдвэрлэл, жижиг дунд бизнесийг дэмжих таатай орчин бүрдэж, ялангуяа малчид малын гаралтай түүхий эдийг тогтвортой зах зээлд, илүү өндөр үнээр борлуулах боломжтой болно. Мөн зам, дэд бүтэц өргөжиж, бүс нутгийн тээвэр логистикийн хүртээмж сайжрахаас гадна улсын эрчим хүчний хангамжийн найдвартай байдал бэхжин, цахилгаан дутагдлын эрсдэл буурах судалгааг гаргажээ.
"Улаанбадрах цахилгаан станц" төсөл нь эрчим хүчний бие даасан байдал, орон нутгийн иргэдийн амьдралыг сайжруулахаас гадна эдийн засгийг бүсчлэн хөгжүүлэх цогц хөгжлийн арга хэмжээ гэдгийг тодотгож байна.
Дэлхий нийтээр..
НҮБ дайн үргэлжилбэл дэлхийд өлсгөлөн нэмэгдэх эрсдэлтэйг анхааруулав
НҮБ-ын Дэлхийн хүнсний хөтөлбөр (WFP)-өөс 2026 оны дөрөвдүгээр сарын 16-ны өдөр гаргасан мэдэгдэлд дурдсанаар, Ойрхи Дорнодын бүс нутагт үүсээд буй хурцадмал байдал, ялангуяа Ирантай холбоотой зөрчил үргэлжилбэл дэлхийн хэмжээнд нэмэлт 45 сая хүн хурц өлсгөлөнд нэрвэгдэх эрсдэлтэй байгааг анхааруулжээ.
Энэ талаар НҮБ-ын Дэлхийн хүнсний хөтөлбөрийн Гүйцэтгэх захирал Синди Маккейн анхааруулахдаа, геополитикийн хурцадмал байдал нь дэлхийн хүнсний аюулгүй байдалд ноцтой дарамт учруулж байгааг онцолсон байна.
Тус байгууллагын мэдээлснээр, дайн, зөрчил нь зөвхөн тухайн бүс нутагт төдийгүй дэлхийн хүнсний хангамж, тээвэр логистик, эрчим хүчний зах зээлд шууд болон дам нөлөө үзүүлж байгаа аж. Үүний улмаас хүнсний бүтээгдэхүүний үнэ өсөх, нийлүүлэлт тасалдах, эмзэг эдийн засагтай орнуудын худалдан авах чадвар буурах зэрэг сөрөг үр дагавар нэмэгдэх төлөвтэй байна.
Одоогийн байдлаар дэлхий даяар хэдийнэ олон сая хүн хүнсний хомсдолд өртөөд байгаа бөгөөд дээрх нөхцөл байдал үргэлжилбэл энэ тоо цаашид огцом нэмэгдэх эрсдэлтэйг НҮБ онцолсон байна. Иймд олон улсын хамтын нийгэмлэгийг зөрчлийг намжаах, хүмүүнлэгийн тусламжийг нэмэгдүүлэх, хүнсний хангамжийг тогтвортой байлгахад анхаарахыг уриалжээ.
Шинжээчдийн үзэж буйгаар, геополитикийн тогтворгүй байдал нь дэлхийн эдийн засаг, ялангуяа хүнсний аюулгүй байдалд мэдэгдэхүйц нөлөө үзүүлж байгаа бөгөөд ойрын хугацаанд энэ чиг хандлага үргэлжлэх төлөвтэй байна.
Дэлхий нийтээр..
Хиймэл оюунд суурилсан технологийн хөгжил хурдасч, дэлхийн өрсөлдөөн шинэ шатанд хүрэв
Сүүлийн жилүүдэд хиймэл оюунд суурилсан технологийн хөгжил эрчимжиж, дэлхийн томоохон компаниудын өрсөлдөөн шинэ шатанд хүрлээ. Үйлдвэрлэл, тээвэр, мэдээллийн технологийн салбарт автоматжуулалт, ухаалаг системийн хэрэглээ эрс нэмэгдэж, хүний оролцоог багасгах чиг хандлага давамгайлж байна.
Хиймэл оюуны шинэ үеийн загварууд илүү нарийвчлалтай, хурдтай ажиллах чадвартай болж, их хэмжээний өгөгдлийг богино хугацаанд боловсруулах боломжийг өргөжүүлэв. Энэ нь бизнесийн шийдвэр гаргалтад шууд нөлөөлөх хэмжээнд хүрчээ. Жолоочгүй тээврийн хэрэгсэл, роботжуулсан үйлдвэрлэл бодит хэрэглээнд улам ойртож, туршилтаас хэрэглээ рүү шилжих үе шат идэвхжив.
Нөгөө талаас дата төвүүдийн хүчин чадал нэмэгдэхийн хэрээр эрчим хүчний хэрэглээ өсөж, байгаль орчинд үзүүлэх нөлөөллийн асуудал олон улсын анхаарлын төвд орж байна.
Мөн технологийн энэ хурдац хөдөлмөрийн зах зээлд өөрчлөлт авчирч, зарим ажлын байр буурч, шинэ ур чадварын эрэлт нэмэгдэх нөхцөл бүрдэв.
Иймээс улс орнууд технологийн бодлогоо шинэчилж, инновац, хүний нөөцийн бэлтгэлийг чухалчлах шаардлага улам тодорч байна.
Дэлхий нийтээр..
“Al Jazeera”-гийн сэтгүүлч амь үрэгдсэнд эмгэнэл илэрхийллээ
Газын зурваст ажиллаж байсан Al Jazeera телевизийн сэтгүүлч Вишах Израилын цохилтын үеэр амь үрэгдсэн талаар олон улсын хэвлэлүүд мэдээлж байна. Мэдээллээр, сэтгүүлч Вишах Газын зурваст болж буй үйл явдлыг сурвалжилж байх үед цохилтод өртсөн бөгөөд хамт ажиллаж байсан хэвлэл мэдээллийн ажилтнууд түүнийг эмгэнэн хүндэтгэл үзүүлжээ.
Газын сэтгүүлчид болон хэвлэл мэдээллийн байгууллагууд:
- Сэтгүүлчдийн аюулгүй байдлыг хангахыг
- Сурвалжлагчдыг онилохгүй байхыг
- Олон улсын байгууллагууд анхаарал хандуулахыг уриалсан байна.
Al Jazeera телевизийн зүгээс сэтгүүлчийн амь үрэгдсэнд эмгэнэл илэрхийлж, мөргөлдөөний бүсэд ажиллаж буй сэтгүүлчдийн аюулгүй байдлын асуудал улам ноцтой болж байгааг онцолжээ.
Сүүлийн саруудад Газын зурваст хэд хэдэн сэтгүүлч амь үрэгдсэн талаар олон улсын байгууллагууд анхааруулж байгаа бөгөөд хэвлэл мэдээллийн ажилтнууд мөргөлдөөний бүсэд хамгийн өндөр эрсдэлтэй нөхцөлд ажиллаж буйг тэмдэглэж байна.
Ойрхи Дорнодын нөхцөл байдал хурц хэвээр байгаа бөгөөд Газын зурваст агаарын цохилт, хуурай замын ажиллагаа үргэлжилсээр байна.
-
Дэлхий нийтээр..2022/06/02
УИХ-ын чуулганы нэгдсэн хуралдаанаар энэ долоо хоногт...
-
Дэлхий нийтээр..2022/08/19
УИХ: Ажлын хэсгийн хуралдаан боллоо
-
Дэлхий нийтээр..2023/04/06
М.Баяраа: Шаардлага хангаагүй шугам тавьсан компаниуд, ашиглалтад хүлээн авсан б...
-
Үйл явдал2023/09/11
Үс шинээр үргээлгэх буюу засуулбал өлзийтэй сайн