Дэлхий нийтээр..
Цэрэг татлагын товчоодод нарийн мэргэжлийн эмч нар томилогдон ажиллана
БХЯ-ны Орон нутгийн хамгаалалт, дайчилгааны газрын дарга, хурандаа Р.Энхболдтой ярилцлаа.
- Яг өдийд улс орон даяар цэрэг халах болон татах үйл ажиллагаа эд явагдаж байна. Энэ талаар дэлгэрэнгүй мэдээлэл өгөөч?
Монгол Улсын Засгийн газрын 2023 шийдвэрээр тус оны хоёрдугаар ээлжийн хугацаат цэргийн алба хаагчдыг халах, 2024 оны хоёрдугаар ээлжийн хугацаат цэргийн албан хаагчдыг татах бэлтгэл эд явагдаж байна. Үүнтэй холбогдуулан Батлан хамгаалах сайдын албан даалгавар гарсан. Энэ хүрээнд бэлтгэл ажлыг ханган ажиллаж байна.
Өнөөдрийн байлаар /2024.10.16/-нд 2023 оны хоёрдугаар ээлжээр Зэвсэгт хүчин, Хилийн цэрэг, Дотоодын цэрэгт алба хаасан хугацаат цэргийн албан хаагчдыг халах арга хэмжээ 80 хувьтай байна. Хуулиар хүлээсэн үүргээ нэр төртэй биелүүлсэн алба хаагчдаа орон нутаг, ар гэрт нь хүлээлгэж өгөх ажиллагааг зохион байгуулж байна. 2024 оны 10 дугаар сарын 17-ны өдөр гэхэд энэхүү хоёрдугаар ээлжийн хугацаанд цэргийг халах ажиллагаа бүрэн дуусна.
- Хугацаат цэргийн алба хаагчдыг халах ажиллагаатай зэрэгцээд цэрэг татах арга хэмжээ өрнөж байна? Улаанбаатар хотод цэрэг татах ажиллагаа хэдийд явагдах вэ?
2024 оны хоёрдугаар ээлжийн хугацаат цэргийн алба хаагчдыг татах ажиллагаа улс орон даяар зохион байгуулагдаж, орон нутгаас эхлээд байна. Энэ хүрээнд нийслэл Улаанбаатар хотын хэмжээнд 2024 оны 10 дугаар сарын 18-20-ны хооронд үндсэндээ гурав хоногийн хугацаанд цэрэг татах ажиллагаа явагдана. Бэлтгэл ажлын хүрээнд аймаг, нийслэл, дүүргүүдийн цэрэг татлагын товчоод бэлтгэл ажлаа хангаад байна.
Тухайлбал,
Энэ удаагийн цэрэг татлагаас эхлэн цэрэг татах ажиллагаанд ажиллах цэргийн штабын болон эмнэлэгийн эрүүл мэндийн ажилтнуудад авлига, ашиг сонирхлын зөрчлөөс ангид байлгах чиглэлээр АТГ-тай хамтран сургалт зохион байгуулахаас гадна ХӨСҮТ-тэй хамтраад халдварт өвчний талаар үзлэг, оношилгоо хийх чиглэлээр хамтран ажиллаж байна.
Мөн Цэргийн төв эмнэлэг, нийслэлийн 9 дүүргийн цэрэг татлагын товчооны эрүүл мэндийн үзлэгт нарийн мэргэжлийн эмч нар томилогдон ажиллахаар бэлтгэл ажлаа хангаад байна.
Энэ жилийн цэрэг татлагаар эрүүл мэндийн үзлэгийг дүүргүүдийн цэрэг татлагын товчоодуудад явуулаад, эрүүл мэндээрээ тэнцсэн алба хаагчдаа цэргийн ангид нь шууд хүлээлгэж өгөхөөр зохион байгуулалт хийж байна. Учир нь алба хаагчдад эрүүл мэндийн үзлэг хийж байгаа эмч, эмнэлэгийн байгууллагын ажилтан, алба хаагчдын хариуцлагыг нэмдүүлэх зорилготой юм.
- Цэрэг халах болон цэрэг татах ерөнхий зохион байгуулалтыг хэрхэн хийдэг вэ?
Цэргийн албаны тухай хуулиар хугацаат цэргийн албыг зохион байгуулах асуудлыг хуульчилсан байдаг. Хуулинд зааснаар аймаг, нийслэл, дүүргийн цэрэг татлагын товчоог тухайн орон нутгийн Засаг дарга гардан зохион байгуулах үүрэгтэй. Цэрэг татлагын товчоонд иргэдийг зарлан дуудах хуудсаар ирүүлэх, эрүүл мэндийн үзлэгээр оруулах, тэнцсэн цэргийн алба хаагчийг Зэвсэгт хүчний нэгтгэл, цэргийн ангиудад хүлээлгэж өгөх асуудлыг хуулинд тусгасанаар тухайн аймаг, нийслэлийн засаг дарга болон тамгын газрын үүрэг байдаг.
Харин хугацаат цэргийн албанд эрүүл мэндээр тэнцээд, зэвсэгт хүчний анги нэгтгэл, цэргийн ангиудад хувиарлагдаад ирсэн тохиолдолд ЗХЖШ-ын даргын баталсан сургалтын төлөвлөгөөний дагуу анхан шатны сургалтад хамрагдах ёстой. Ингээд хуулинд заасан хугацаа буюу нэг жилийн хугацаанд алба хаагаад, халагдах хүртэлх хугацаанд тухайн цэргийн асуудлыг Зэвсэгт Хүчний Жанжин Штаб /ЗХЖШ/ бүрэн хариуцдаг зохицуулалттай. Халагдсан цэргүүдээ буцаагаад орон нутаг, ар гэрт нь хүргэх ажиллагааг тухайн аймаг, нийслэлийн засаг дарга, тамгын газар, цэргийн штаб хариуцан зохион байгуулдаг.
Эх сурвалж: Монгол Улсын Батлан хамгаалах яам
Дэлхий нийтээр..
НҮБ дайн үргэлжилбэл дэлхийд өлсгөлөн нэмэгдэх эрсдэлтэйг анхааруулав
НҮБ-ын Дэлхийн хүнсний хөтөлбөр (WFP)-өөс 2026 оны дөрөвдүгээр сарын 16-ны өдөр гаргасан мэдэгдэлд дурдсанаар, Ойрхи Дорнодын бүс нутагт үүсээд буй хурцадмал байдал, ялангуяа Ирантай холбоотой зөрчил үргэлжилбэл дэлхийн хэмжээнд нэмэлт 45 сая хүн хурц өлсгөлөнд нэрвэгдэх эрсдэлтэй байгааг анхааруулжээ.
Энэ талаар НҮБ-ын Дэлхийн хүнсний хөтөлбөрийн Гүйцэтгэх захирал Синди Маккейн анхааруулахдаа, геополитикийн хурцадмал байдал нь дэлхийн хүнсний аюулгүй байдалд ноцтой дарамт учруулж байгааг онцолсон байна.
Тус байгууллагын мэдээлснээр, дайн, зөрчил нь зөвхөн тухайн бүс нутагт төдийгүй дэлхийн хүнсний хангамж, тээвэр логистик, эрчим хүчний зах зээлд шууд болон дам нөлөө үзүүлж байгаа аж. Үүний улмаас хүнсний бүтээгдэхүүний үнэ өсөх, нийлүүлэлт тасалдах, эмзэг эдийн засагтай орнуудын худалдан авах чадвар буурах зэрэг сөрөг үр дагавар нэмэгдэх төлөвтэй байна.
Одоогийн байдлаар дэлхий даяар хэдийнэ олон сая хүн хүнсний хомсдолд өртөөд байгаа бөгөөд дээрх нөхцөл байдал үргэлжилбэл энэ тоо цаашид огцом нэмэгдэх эрсдэлтэйг НҮБ онцолсон байна. Иймд олон улсын хамтын нийгэмлэгийг зөрчлийг намжаах, хүмүүнлэгийн тусламжийг нэмэгдүүлэх, хүнсний хангамжийг тогтвортой байлгахад анхаарахыг уриалжээ.
Шинжээчдийн үзэж буйгаар, геополитикийн тогтворгүй байдал нь дэлхийн эдийн засаг, ялангуяа хүнсний аюулгүй байдалд мэдэгдэхүйц нөлөө үзүүлж байгаа бөгөөд ойрын хугацаанд энэ чиг хандлага үргэлжлэх төлөвтэй байна.
Дэлхий нийтээр..
Хиймэл оюунд суурилсан технологийн хөгжил хурдасч, дэлхийн өрсөлдөөн шинэ шатанд хүрэв
Сүүлийн жилүүдэд хиймэл оюунд суурилсан технологийн хөгжил эрчимжиж, дэлхийн томоохон компаниудын өрсөлдөөн шинэ шатанд хүрлээ. Үйлдвэрлэл, тээвэр, мэдээллийн технологийн салбарт автоматжуулалт, ухаалаг системийн хэрэглээ эрс нэмэгдэж, хүний оролцоог багасгах чиг хандлага давамгайлж байна.
Хиймэл оюуны шинэ үеийн загварууд илүү нарийвчлалтай, хурдтай ажиллах чадвартай болж, их хэмжээний өгөгдлийг богино хугацаанд боловсруулах боломжийг өргөжүүлэв. Энэ нь бизнесийн шийдвэр гаргалтад шууд нөлөөлөх хэмжээнд хүрчээ. Жолоочгүй тээврийн хэрэгсэл, роботжуулсан үйлдвэрлэл бодит хэрэглээнд улам ойртож, туршилтаас хэрэглээ рүү шилжих үе шат идэвхжив.
Нөгөө талаас дата төвүүдийн хүчин чадал нэмэгдэхийн хэрээр эрчим хүчний хэрэглээ өсөж, байгаль орчинд үзүүлэх нөлөөллийн асуудал олон улсын анхаарлын төвд орж байна.
Мөн технологийн энэ хурдац хөдөлмөрийн зах зээлд өөрчлөлт авчирч, зарим ажлын байр буурч, шинэ ур чадварын эрэлт нэмэгдэх нөхцөл бүрдэв.
Иймээс улс орнууд технологийн бодлогоо шинэчилж, инновац, хүний нөөцийн бэлтгэлийг чухалчлах шаардлага улам тодорч байна.
Дэлхий нийтээр..
“Al Jazeera”-гийн сэтгүүлч амь үрэгдсэнд эмгэнэл илэрхийллээ
Газын зурваст ажиллаж байсан Al Jazeera телевизийн сэтгүүлч Вишах Израилын цохилтын үеэр амь үрэгдсэн талаар олон улсын хэвлэлүүд мэдээлж байна. Мэдээллээр, сэтгүүлч Вишах Газын зурваст болж буй үйл явдлыг сурвалжилж байх үед цохилтод өртсөн бөгөөд хамт ажиллаж байсан хэвлэл мэдээллийн ажилтнууд түүнийг эмгэнэн хүндэтгэл үзүүлжээ.
Газын сэтгүүлчид болон хэвлэл мэдээллийн байгууллагууд:
- Сэтгүүлчдийн аюулгүй байдлыг хангахыг
- Сурвалжлагчдыг онилохгүй байхыг
- Олон улсын байгууллагууд анхаарал хандуулахыг уриалсан байна.
Al Jazeera телевизийн зүгээс сэтгүүлчийн амь үрэгдсэнд эмгэнэл илэрхийлж, мөргөлдөөний бүсэд ажиллаж буй сэтгүүлчдийн аюулгүй байдлын асуудал улам ноцтой болж байгааг онцолжээ.
Сүүлийн саруудад Газын зурваст хэд хэдэн сэтгүүлч амь үрэгдсэн талаар олон улсын байгууллагууд анхааруулж байгаа бөгөөд хэвлэл мэдээллийн ажилтнууд мөргөлдөөний бүсэд хамгийн өндөр эрсдэлтэй нөхцөлд ажиллаж буйг тэмдэглэж байна.
Ойрхи Дорнодын нөхцөл байдал хурц хэвээр байгаа бөгөөд Газын зурваст агаарын цохилт, хуурай замын ажиллагаа үргэлжилсээр байна.
-
Дэлхий нийтээр..2021/06/08
Анастасия Ивановна Цэдэнбал Филатоваг цагаатгажээ
-
Үйл явдал2020/07/03
Баянбүрдийн тойргийн замыг хэсэгчилэн түр хаана
-
Үйл явдал2021/12/26
Дархлаажуулалтын цэгүүд 10:00-20:00 цаг хүртэл ажиллана
-
Дэлхий нийтээр..2024/10/08
ХЭҮК: 738 иргэнд 198 цагийн хүний эрхийн зөвлөгөө өглөө