Тод зураг
Мал хулгайлдаг зохион байгуулалттай бүлэглэлийг үйлдэл дээр нь илрүүлж, баривчиллаа
Цагдаагийн алба хаагчид айлын бэлчээр дэх малыг буудаж, улмаар нядалж байсан бүлэг этгээдүүдийг үйлдэл дээр нь илрүүлсэн талаар бид өмнө нь мэдээлсэн. Тодруулбал, Төв аймгийн Эрдэнэсант сумын нутагт буюу бэлчээрт яваа малыг буудаж хороон, махыг нь нийслэл рүү оруулж худалдахыг завдсан хэрэгт 11 этгээдийг сэжигтнээр татаад байна. Түүнчлэн өмнө нь гэмт хэрэг үйлдэж байсан 10 этгээд дээрх гэмт хэргийг үйлдсэн байжээ.
Уг хэрэгтэй холбогдуулан Мөрдөн шалгах газрын Хулгайлах гэмт хэрэг, мөрдөн шалгах хэлтсийн Мөрдөн байцаах тасгийн дарга М.Болдбаатар “Нийслэлийн цагдаагийн удирдах газрын Мөрдөн шалгах хэлтэс, Төв аймгийн цагдаагийн газартай хамтран хагас жил орчмын хугацаанд нийслэлийн Баянзүрх, Сонгинохайрхан, Сүхбаатар дүүрэг, Төв аймгийн нутаг дэвсгэрээс хулгайлах гэмт хэрэг үйлдсэн арван гаруй хүний бүрэлдэхүүнтэй зохион байгуулалттай бүлэглэлийг өчигдөр шөнө үйлдэл дээр нь илрүүлж, саатууллаа гэв.
Тод зураг
Сэлбэ 20 минутын хот
Гэр хорооллыг орон сууцжуулах “Сэлбэ 20 минутын хот” төслийн бүтээн байгуулалт эрчимтэй үргэлжилж байна. Төслийн хүрээнд нийт 113 блок орон сууц барих юм.
Үүнээс 93 блок орон сууц есөн давхар, 20 блок орон сууцыг 12 давхар барина. Өнөөдрийн байдлаар зарим орон сууцны есдүгээр давхрын цутгалтыг гүйцэтгэж байна.
Тод зураг
“Улаанбаатар марафон-2026” олон улсын гүйлтийн бүртгэлийг тавдугаар сарын 1-нд хаана
“Улаанбаатар марафон-2026” олон улсын гүйлтийн бүртгэл хаахад гурав хоног үлдлээ.
Марафонд гүйх оролцогчдыг тавдугаар сарын 1-ний 17:00 цаг хүртэл бүртгэнэ. Оролцогчид Hipay аппликейшн болон ulaanbaatar.marathon.mn цахим хуудсаар дамжуулан бүртгүүлэх боломжтой.
Өдгөө 11 дэх удаа зохион байгуулах гэж буй “Улаанбаатар марафон-2026” олон улсын гүйлтэд оролцохоор өнөөдрийн байдлаар 18 мянга гаруй хүн бүртгүүлээд байна.
Бүтэн марафоноос эхлээд гэр бүлийн болон тусгай ангиллын зай хүртэл долоон төрлийн сонголттой тул бүх насны хүмүүс оролцох боломжтой.
Иймд оролцогчид өөрийн насны ангилал, бэлтгэлийн түвшинд тохирсон зайгаа сонгон, тавдугаар сарын 1-ний 17:00 цагаас өмнө бүртгэлээ баталгаажуулаарай.
Тод зураг
Маргааш нийслэлийн зарим авто замын хөдөлгөөнийг түр хязгаарлана
П.Очирбат агсныг эцсийн замд үдэхтэй холбоотойгоор зарим авто замын хөдөлгөөнийг түр хязгаарлана. Уг үйл ажиллагаа өглөө 6:40 цагаас 3-р эмнэлгээс эхлэх бөгөөд хүндэтгэлийн цуваа 7 цаг 20 минутад Төв шуудангийн замд ирж, 9 цаг 40 минутад үднэ.
Энэ үеэр доорх байршлуудад ихдээ хөдөлгөөн түр хязгаарлах тул иргэд, олон нийтийг хүндэтгэлтэй хандахыг Нийтийн тээврийн бодлогын газраас хүслээ.
-
Үйл явдал2023/08/07
Улаанбаатарт өдөртөө 26 хэм дулаан
-
Дэлхий нийтээр..2023/04/21
2024 оноос эрчим хүчний дутагдлаас гарч эхэлнэ
-
Дэлхий нийтээр..2023/08/24
ЗГ: Мэдээллийн технологийн ажил, үйлчилгээг хувийн хэвшил, ТББ-аар гүйцэтгүүлнэ
-
Дэлхий нийтээр..2025/08/13
Дүүжин замын тээвэр төслийн тулгуур багануудыг ирэх долоо хоногоос суурилуулна